Gram galai hpaga lam hpo ai 40 ning hpring nhtoi hpe jom hkalum ga!
德宏州各县市干部群众收看庆祝改革开放40周年大会

作者:赵敏 来源:德宏团结报 发布时间:2018-12-25 16:41:10

Magam mu gram galai hpaga gahkan hpo galo ai 40 ning hpring masat zuphpong hpe shata 12 nhtoi 18 ya jahpot hkying 10 hta Bekyin mungchying sha zuphpong htingnu ko hpo hpong lai wa sai.

Sakhkung mungdo ginwang myu shagu na asuya magam gun masha ni hte amyu bosang shagu na  shawa  masha ni dat sumla hkrung ko magam mu gram galai hpaga gahkan hpo galo ai 40 ning hpring masat zuphpong hpo madat nna, jom gabu hkalum ma ai.

Mangshi myu na asuya magam gun masha ni hte shawa masha ni go, ginwang, ginwang do, ninghton rung salang rapdo hkan na zuphpong shara hkan, madu a nta hkan dat sumla hkrung hpo yu nna dinghkung mu madu Si Gyin Hpyin a mungga madat mara la ma ai. Sanhtaishan ginwang do Yinhkyen ninghton salang rapdo pati hpung mu madu Li La Kyin grai gabu let tsun ai: Magam mu gram galai hpaga gahkan hpo galo ai 40 ning laman hta, Anhte De-ang amyu buga laklai shai mat wa ai lam grai nga sai, ngai arong grai lu dum ai. Suthpom pati hte asuya ni madi shado ai gata hta, De-ang amyu ni a nga sat nga sa madang lani hte lani rot jat wa sai.

Shuili na mung shawa ni mung ginjo de zuphpong hpo ai shiga na ai hpang, nhtoi 18 ya jahpot dat sumla hkrung ko dinghkung mu madu Si Gyin Hpyin hko tsun ai ja chyum mungga madat mara la na matu, bungli lam shagu shajin to nga sai. Nhtoi 18 ya jahpot, Shuili Jegau jarit chyinghka sagon jep nta gata ko e, Miwa mung hte Myen mung na lai wa lai sa manam ni go, dat sumla hkrung ko Si Gyin Hpyin tsun ai ja chyum mungga madat mara nga ma ai. Shuili myu asuya rungdap shagu na magam gun masha ni, jong sara ni, jak mu hpaga masha ni hte hkaimu  masha  ni  dat  sumla hkrung hpo yu ma ai.

Nshon ginwang asuya magam gun masha ni hte mung shawa masha ni  mung  dat sumla hkrung hpo yu ma ai. Nshon ginwang Lungpa gat mare Lung-an ninghton salang rapdo mu madu ningtau Yin Ma Tsin tsun ai: “Pati a tara gaja ai majo, daini anhte ngui pyo ai nhtoi lu la saga ai. Anhte mung htingrep hta shanu nga ai mung shawa masha ni dum nta ningnan lu rong sai, hkai lu hkai sha rem lu rem sha na mung chye sai, dai go sut hpom pati hpung ni jo ai hkrai re, anhte prat dingsa suthppom pati hpung ni a hpang ko hkan nang na ga ai!”

Yinkyang ginwang rung dap shagu na asuya magam masha ni, gahtong ninghton hkan na hpu-on ni hte shawa masha ni, jong shagu na sara jongma ni, ten gachyi mi pyi n shai hkra, dat sumla hkrung ko gram galai hpo galo magam mu galo lai wa ai 40 ning hpring zuphpong na ja chyum mungga madat mara la ma ai. Shawa masha ni go Miwa gumsan mungdan gata hta galo ton ai akyu nsi hpe na la lu ai hte rau, bai matut galo na magam yi-ngam mung gabu hpa hkrai re majo n-gun grai lu ma ai.

  Lengho ginwang Nangsung Achang amyu ginwang do Konchyang ninghton gahtong ningnan na shawa masha ni go nhtoi 18 ya jahpot shanhte madu hkrai myit tsu rai dat sumla hkrung ko Si Gyin Hpyin a ja chyum mungga madat la ma ai.

编辑:岳元胜