Maju hkai sha ladat
麻竹种植方法

作者:麻保 来源:德宏团结报 发布时间:2018-12-25 16:49:14

(Shata 12 nhtoi 19 ya na do)

Ma Ju Kawa Zon Re Makru Lo Do Sha Ai Bo Kawa Yi Gon Lajang Na Ladat

1. Nnan hkai ai kawa yi gon lajang na lam

Nnan sha no hkai ai kawa hpe go kawa maling lawan byin shangun na matu, makru majoi n mai do kau ai, nau n byin, ana rong, n chye gaba mat re makru ni hpe sha do kau na. Wadat n mat dai bang ai, nga gumra ni e shaza kau na hpe sadi ra ai.

2.Nam tsing hkyen seng lajang kau na lam

Kawa no gaji ai ten hta go laning mi hta nam tsing 2 lang hkyen seng lajang kau ya ra ai, nam tsing hkyen seng lajang ai mu hte namhpun dat bang ai mu hpe gapyon nna mai galo ai, dai hpe shata 5 hta galang mi galo nna, shata 8 hta galang mi bai galo na, ndai zon kawa maling byin tai hkra galo na.

3.Namhpun dat bang na lam

Kawa hpun ko go laning mi hta nam- hpun 2 lang dat bang ra ai, dai hpe shata 5 hta galang mi dat bang nna, shata 8 hta galang mi bai dat bang na, ndai aten lado lahkong go makru nnan kru wa ai aten hte makru kru an ai aten rai nga ai. Kawa wa-hpang langai mi hta wahkyi namhpun Gyin 20—30, shing n rai Fu ho fui nam- hpun (复合肥) Gyin mi daram dat bang na, dai hpang ko nna go wa-hpang gaji gaba masa hta hkan nna bai dat bang na. Nam- hpun dat bang na shong e, kawa wahpang pot ko nna mida laman 40—60 daram gang hkat ai shara hta sung de mida laman 15, dam de mida laman 20 re hka-hkong gasha htu shinggrup nna dat bang na, namhpun dat bang ngut ai hte aga bai hkan gaput magap kau na.

4.Makru madat ton nna kawa shalo jat la na lam

Makru madat ton nna kawa shalo jat la na rai yang, aten hkrak, shara masat, shadang sharam rai ra ai.

Makru lo do sha ai bo kawa hpe go makru lo lo do kau ra ai. Raitim makru shaning shagu lo lo lu kru na matu, shaning shagu makru ramdo htaphtuk ai hku madat ton nna kawa ganu shatai ra ai, shaloi she jan n-gun atsom lu jashon lang ai hta n-ga, kawa hkinlung hte kawa ginsa gahti galai nhtum nwai rai lu tu matut hkat nga ai. Dai majo, makru kru ten hta kawa ganu shatai na matu makru ramdo htaphtuk ai hku madat ton nna makru shaning shagu lo lo lu do la na hku galo ra ai. Makru madat ton na   aten go makru kru an ai aten lai ai hpang (Shata 9 pro do hta rai na) rai yang grau mai nga ai, makru madat ton na aten go nau jau yang mung n mai nna, nau bai hpang hkrat mat yang mung n mai nga ai. Shaning shagu wa-hpang gade nde maga hta bok bok sha rai gaba tsom ai makru 2—3 daram madat ton da ra ai, dai hpe kawa ganu byin tai hkra makop ton da na. Shing-rai wa-hpang langai mi hta galoi mung kawa ganu 4—6 daram tu ring tsom nga na hku galo ya ra ai. (Bai matut hti ga)

  (Gale ai Zinghtung Ma Sam)


编辑:岳元胜