Anhte mungdo sanseng lu sha gatrai galo shapro mu ru ru rai galo hkrat wa nga ai

作者:沙红梅 来源:德宏团结报 发布时间:2018-12-26 11:05:45

Madu dap shiga  Mungdo gatrai gaja hte gaja shadang shatso zainyan mu woi on hpung gaji mu htam gok ni ya hte Jekyang Wunchyu dakkasu jong gaja shadang sharot zinghka chyam dinglik dap ni hpe so ginron la nna, galo shara hkan sa du yu hkom, dung jahta zuphpong hpong re ladat hku nna, anhte mungdo na sanseng lu sha gatra galo shapro kasi dan shara hte galo ladat ka lajang mu hpe sa jep dinglik yu ma ai.

Jep dinglik hpung ni go shong hpang rai nna Yinnan Defung hpa-lap gungmani, Sakhkung Hugu ga-hpri gung mani, Mangshi Jahpang gungmi n-gu gung mani, Yinnan Disi sut magam dap kyenko si gungmani, Shauhkong Mangshi n-gu dut seng re sut magam dap 6 ko sa du yu gawan hkom, Wandin Dingda nammuk dara gobai jak mu masha madu mungdan de Japan majan wa gasat ai masat dingsat shara, Nshon ginwang Lung an htugyi wuttong kunghpan maka buhkom shara hte Yinkyang ginwang Munglung Lungmun jai gahtong ningsa, lawu Munghpye nam gahtong bu hkom shara  hkan sa du dinglik hkom ma ai. Dinglik hpung ni go sut magam dap ni a gatrai la ai lam, sama hpaji, gaja shadang gon lajang, gatrai dinglik shapro, dut shapro ai hte sut magam dap ni a kunghpan maka, gatrai dazik galo hkrat wa lam ni hpe sa san jep yu ma ai.

Dai hpang hpo hpong ai dung jahta zuphpong hta, jep dinglik hpung ni go mungdo tengtok gon seng ang rungdap na lit hkam masha ni hkaimu gat rai hte ga- htong ninghton shagrang hkrat wa na lam, alak re hkai ningmai gat rai a masa lam, ra rong nga ai manghkang lam, bungli htam galo hkrat wa ai lam, asuya ni a madi shado tara re maga de na lam ni tang shana dan ai jom madat mara la nna, ganing rai nna galo hkrat wa na lam ni matsun dan masai. Sut magam dap ni a ra gadon lam, myit mada lam ni san la nna, ganing di galo sa wa yang mai na lam ni tsun shadum dat sai.

  Jep dinglik hpung ni tsun yang, ndai lang na jep dinglik ai hta, anhte mungdo na hkaimu bungli sharot zinghka mat wa ai hte bu hkom mu sharot zinghka mat wa ai lam ni hpe grau nna chye la lu sai hte maren, matut nna 《Sakhkung mungdo ginra hkaimu gat rai galo shapro yo shda hte galo ladat》 ka shapro na matu npot nhpang galo da sai.


编辑:岳元胜