Ningshung lado hta awo hpe gara hku htang maja na
冬季如何预防感冒

作者:麻保 来源: 发布时间:2019-01-07 10:34:07

Ningshung lado na nbung nsa go“Lagyi”ai hpe madung nga ai, dai majo, ning- shung lado hta go gashung htang maja ai lam galo n du rai jang go, gashung ai hte seng ai machyi amyu myu byin wa chye ai, dai hta nong e lo mu ai go awo rai nga ai.

Masha hkum shagu go gara lado hta  raitim awo wo chye nga ai. Dai rai yang masha nkau ni go lado nbung ai hta byin ai awo go maren sha re nga myit lu ma ai majo, tsi tsi sa wa ai hta mung ladat maren sha di lang nga ai, dai go n jo nga ai.Gaja wa nga yang, nbung ai lado na awo go nbung nga ai, namtsi hku nna tsun ga nga jang, nbung ai ladat hku nna tsi la ra nga ai. Ga shadon, yi-nam lado na awo go gahtet sa-up madi nna byin ai awo hte nbung nsa gahtet nna byin ai awo lo nga ai, tsi tsi sa wa ai shaloi mung gahtet shakop ai hpe madung ra ai. Bai ningshung lado hta go nbung nsa lagyi nna byin ai rai nna, tsi ai shaloi hkum shalum ai ladat lang ra nga ai. Lama yi-nam lado hte gashung lado na      ladat ni lang galai kau jang go, awo mai yak ai hta n-ga, akyu mung n rong nga ai.

Ya ten hta datnu singgon hta shabra ai awo tsi ladat ni grai lo nga ai, majoi n mai kam ai. Ningshung lado hta awo tsi na ladat nkau tsun shachyen dan na, chyam yu u:Shanam hte hkranghkyi jahku, gaubong hte nokyu jahku, hpagyi hte gaubong hkrang- hpro jahku. Shanam hte hkrang hkyi hpe manit 10 -15 daram shadu nna, htang hkye bang ra sai, ndai go gashung hkra nna wo wo hpe tsi lu nga ai. Gaubong hte no-kyu hpe rau shadu nna lu ai hpang, nba hpun nna yup nga jang, salat pru shangun jang awo mai lawan nga ai. Hpagyi hte gaubong  hkrang hpro hpe manit 10-15 daram shadu nna jahku lu yang awo mai lawan nga ai.

  Awo htang maja ladat go lo nga ai. Hkum hkrang shaman shakyang ai mung  ladat gaja langai mi re.Bai nna go, ata lo gashin, hpunlum ko lago tsing rai yang mung mai ai.Nbung nsa jahkrang ra ai,   jahpot hkying 10 daram hta nta na hkalap ni ma hkra hpo kau yang mai nga ai.


编辑:沙红梅