Luihkri hkai sha hpaji

作者:麻保 来源: 发布时间:2019-03-04 09:37:49

(Shata 12 pro 5 ya na do)

Luihkri Si Di Ladat

Luihkri si di yang go “La- hkong lang rep di ai bo ladat” lang na, shong nnan e namsi di zendau hte hkindai hte ro di rep di la na, dai hpang gindai lap hte ara sha di galang mi bai rep di nna htingga ko bang ton na, rep di ai ahka hpe ara amanyen sha di rep di ra ai, asi hpe n jahten hkra na hku galo ra ai. Namsi di ai ni mung ta lamyin ara amanyen sha di zen kau ra ai, dai ko ta laro ro kau yang grau mai ai, namsi di ai shaloi hpun shinggan hkan na shong di nna she hpun gata ko na bai di na, hpunpot do ko nna di la ngut jang she hpun ndung do hkan na bai di na. Dai hte rau htingra lado na asi hpe di yang yi-nam lado hta pu ai apu hte mangai lado hta si ai asi hpe n jahten hkra na hku galo ra ai; Yi-nam lado hta si ai asi hpe di yang mangai lado hta si ai asi hpe n jahten hkra na hku galo ra ai. Ahpun tso ai rai jang go lakang htan nna di la ra ai, kam mara rai gang shayu abrut di la ai lam go grai n mai nga ai, dai hku galo jang lakying ni hpe gang gyi kau chye ai. Asi hto garot ai htingga a gata maga de amanyen sha rai ra ai, dai hpe palasatik tsop hte nyep madin kau yang mai ai, shaloi she asi hpe n achyo jahten hkra ai. Asi hto garot yang htingga hta nau n hpring ra ai, hpa majo nga yang gan di la ai luihkri si go asi ja nna bok bok sha rai nga ai, ahka rong shadang mung grai tso ai majo, jahten hkra na matu grai loi nga ai, jahten hkra ai hte asi hpyi hta ateng apang rai wa ai ko nna yat wa sai, dai majo yat yat sha bang ra ai. Asi di yang lamu hpong tsom ai shaloi di na, marang htu, lamu mung, numri hkrat, gyona hkrat re shaloi go n mai di ai, ahpun na hka salu ni htong mat ma jang she mai di ai. Luihkri si hpe go ahpyi hte ro di sha ai majo, amyu myu re ana sat tsi hte n mai tsing lajang ai, asi a nsam makop na matu, Maubyi (毛笔) hte 250x10-6 re 2.4 -D tsi hpe gahtok la nna asi hkindai ko mai chya ton ai, shing rai sha na shaloi asi hkindai di kau na.

Nsam Makop Hkong Mazing Ladat

Luihkri si go si shan galai jasan ai lam grai lanyen ai majo, nsa aja awa n lu marop la nga ai, shi a ahpyi hkrang go chyip nna sau jahkai hte Wui shin su si grai rong ai nga yang, nau n chye anyop mat ai, hkong mazing ton da ai aten hta mung, ana shingtai ni aloi sha n lu shang nga ai, shi a si ntsin go hkri ai majo, aten grai na hkra mai ton da ai, dai majo, luihkri si di ai shaloi sha n jahten hkra jang go, shata 11 hta di la ai rai jang hpang shaning shata 5, 6 daram na hkra mai ton da nga ai.

Luihkri si hkong mazing ton na ladat grai lo ai, ga shadon: Ga nhkun, nbung hkrang ai htun mahkong gok, ga gata htun mahkong gok, gatsi jak lom ai htun mahkong gok re ni hta mai hkong mazing ton nga ai, ndai lahkong masum ning laman hta nbung nsa sharam ai ladat hte mung hkong mazing ton ma ai.

Nsam Makop Hkong Mazing Ladat

Luihkri si go si shan galai jasan ai lam grai lanyen ai majo, nsa aja awa n lu marop la nga ai, shi a ahpyi hkrang go chyip nna sau jahkai hte Wui shin su si grai rong ai nga yang, nau n chye anyop mat ai, hkong mazing ton da ai aten hta mung, ana shingtai ni aloi sha n lu shang nga ai, shi a si ntsin go hkri ai majo, aten grai na hkra mai ton da ai, dai majo, luihkri si di ai shaloi sha n jahten hkra jang go, shata 11 hta di la ai rai jang hpang shaning shata 5, 6 daram na hkra mai ton da nga ai.

Luihkri si hkong mazing ton na ladat grai lo ai, ga shadon: Ga nhkun, nbung hkrang ai htun mahkong gok, ga gata htun mahkong gok, gatsi jak lom ai htun mahkong gok re ni hta mai hkong mazing ton nga ai, ndai lahkong masum ning laman hta nbung nsa sharam ai ladat hte mung hkong mazing ton ma ai.

Luihkri Si Gatsing Lu Sha Na Lam

Luihkri si ntsin go nau hkri ai nga yang, galangta n mai lu sha nga ai. Luihkri si hpe gashin kau nna ahpa hpa sha di mot ai hpang atum la kau rai (Atum go hka ai), jumdui shing n rai hkyen htang loi jat bang nna luihkri htang ntsi galo lu yang akyu namshum grai su nga ai, dai hpe nshung lado hta go shalum nna lu, yi-nam lado hta go gatsi lu rai yang gahtet gamut ahka lu mayu re lam sharai la lu ai.

  Atum la kau sai luihkri si hpe mahka gaba ai palin ko bang ton na, palin ko bang ai shaloi, luihkri si gyin 2 ko jumdui gyin 2-3 daram hku son bang na, dai hpe luihkri si abye lam mi bang yang jumdui mung lam mi hkan bang na, je ntsa lam ko go jumdui loi lo hkra bang ahpra ton na, ndai zon bang ton nna magap gap shachyip kau na. Shing rai sha ai shaloi gade ra jang gade sho sha na. Ndai zon di ton da yang yom dik htum laning chyen mi daram agatsing sha rai mai ton da nga ai. (Bai matut hti ga)Gale ai Zinghtung Ma Sam

编辑: