Ganing rai yang she“Htingwan makop masha ”tai lu n
如何做到保护环境

作者:麻保 来源:德宏团结报 发布时间:2019-03-06 10:50:15

Htingwan makop ai lam go anhte a prat pra lam hte grai seng hkat nga ai, shing re majo, htingwan makop ai bungli hpe anhte yong n-gun shang dat lom ra ga ai.

(1) Hkam ja lusha mari sha nna ▬htingwan makop maga

Hkrak nga yang lusha hta go ningtuk n rong ai bo rai nga ai. Dai re she, lusha galo, mahkong ton, lajang sha re laman hta, maza hkra loi nga ai. Lusha rai a maza npot go: Langai, Jakrung na ju rai ni hkauhting hkauna, hka npot, nbung  nsa re ni hpe maza hkra nna, n gaja ai rai ni hkai nmai ko shang rong nga ai. Lahkong, jak hpun jak tsi ni hkai n mai ko ngam rong nga ai. Masum, nsam jahtap ai tsi, jat bang shalom ai rai ni majoi hte lang. Mali, mahkong ton ai ladat n jo ai majo ana ganu ni lot. Nong e go, namsi hte simai simo ko na tsi ngam ni hkum ko gaungui sha shang htung nga nhtom, ginsa ana ni chye byin wa nga ai. Dai majo, anhte hkamja lusha mari sha ra ai, shaloi she anhte hkam ja lu ai hta n-ga htingwan hpe mung makop maga lu nga ai.

(2) Galang rap re rai hpe sharam lang nhtom ginding ga nai na dagu sut hpe sharam da na

“Galang rap “re balasatik tingsan hte hka-wan hkoize ni go dagu sut manu mana lahpot ai hta n-ga, maza shanut mung no hte shalo nga ai. Anhte mungdan hta laning mi na balasatik shanut go tun wan mi jan du nga ai. Bekyin myu ko sha pyi go lama lani mi marai langai mi balasatik tingsan langai lang kau ai hku son yang, gyi yisi hke 4 lang kau ai hku rai nga ai, dai ngau rai go lani mi gumhpro 40000 gabai kau ang nga ai, lama balasatik tingsan ndai ni hpe shapyan dat ai rai yang, marai langai mi laning mi hta mida man 240 dam ai lahpot hkra nga ai, Bekyin ting na masha ri mi rai yang laning mi na balasatik tingsan go Bekying myu na dum nta hta htam 2 pa jan nga ai.

(3) Madu nan tingsan lang hkom nna▬Balasatik tingsan shayom lang na

Jau ko nna Janmani mungdan hta go gat seng gaba hta balasatik tingsan go gumhpro n pru ai hku n jo nga sai, dai go balasatik tingsan sharam lang na matu rai nga ai, Janmani mungdan na masha lo malo go rung rai mari ai shaloi, madu hkrai tingsan lang nna sa bang la chye ma ai, balasatik tingsan nlang ai hku re dinghku num lo malo go gat lam ai shaloi rai tim mung balasatik tingsan nlang na matu, sumpan nhpye hpye nna lam hkom nga ai.

(4) Madu hkrai shat hka-wan     hkyem gun nna maza hpro sharam na

Htingwan makop ai majo galang rap rai galo ai magam go yom de rai wa sai,mungdan lo malo go tun mat mai ai bo balasatik galo lang wa masai, bai mungdan kau mi go balasatik n lang ai sha laksan maisau hte makai lang wa masai. Mungdan lo malo ni go makai rai hpe gahtap lang na hku woi galo ai hta n-ga, bai nhtang la mung rai nga ma ai. Dingmat, Janmani mung re ni go lu rai bang ai pat pong hpe lang ai hpang jasan kau nna bai gahtap lang lang rai nga ai, Suiden na nga chyu galo ai jakrung gaba langai go 75 lang mai lang ai nga chyu pong galo shapro nga ma ai.

  (Bai matut hti ga)


编辑:岳元胜